Njoftime dhe Shpallje

Akademia Ivodent

Procedura për përzgjedhjen e stafit

Procedura “Për Përzgjedhjen e Stafit Akademik” bazohet në ligjin nr. 80/2015, “Për Arsimin e Lartë në Republikën e Shqipërisë”, Kodin e Punës së Republikës së Shqipërisë dhe mbështetet në Statutin dhe Rregulloren e AI.

LËNDA: Njoftim për shpallje konkursi

Departamenti i Protetikës për nevoja të zhvillimit të procesit mësimor për vitin akademik 2022 – 2023, shpall procedurën e aplikimit për personel akademik dhe ndihmës akademik. Kandidatët e interesuar duhet të dorëzojnë pranë Sekretarisë mësimore të Akademisë Ivodent, nga data 16.05.2022-30.05.2022 dokumentacionin e mëposhtëm:

A. Kriteret e përgjithshme që duhet të plotësojnë kandidatët për personel akademik asistent lektor në FTD për vitin akademik 2022-2023 janë:

Formularin e kërkesës (bashkangjitur më poshtë, i cili mund të shkarkohet në faqen e web ose mund të merret pranë sekretarisë mësimore);
Curriculum Vitae;
Të zotërojë diplomë të nivelit Master i Shkencave ose diplomë ekuivalente me të. Për diplomat e fituara jashtë vendit, të jetë bërë njohja e tyre nga ministria përgjegjëse për arsimin;
Të ketë kryer një program studimi në shqip ose të zotërojë dëshmi të gjuhës shqipe;
Diploma të gjuhëve të huaja (fotokopje e noterizuar)
Të mos jenë dënuar me vendim të formës së prerë të gjykatës për kryerjen e një vepre penale me dashje.
Fotokopje të ID ose pasaportës

Kriteret e veçanta që duhet të plotësojnë kandidatët për personel asistent lektor në FTD për vitin akademik 2022-2023 janë:

Eksperiencë pune në fushën e mësimdhënies;
Të jetë i aftë të ndërtojë dhe prezantojë një leksion në shqip me tematikë
“Aplikimi i teknikave digjitale në klinikat dentare”
Të ketë aftësi shumë të mira organizacionale, komunikimi, etikë profesionale dhe të dijë të punojë në grup.

B. Kriteret e përgjithshme që duhet të plotësojnë kandidatët për personel ndihmës akademik në FTD për vitin akademik 2022-2023

Formularin e kërkesës (bashkangjitur më poshtë, i cili mund të shkarkohet në faqen e web ose mund të merret pranë sekretarisë mësimore);
Curriculum Vitae;
Të ketë përfunduar programe studimi së paku 2 vjeçare ose Bachelor në fushën e teknikave dentare në një nga programet e studimit që ofron Akademia Ivodent, ose në universitete të tjera brenda dhe jashtë vendit. Për diplomat e fituara jashtë vendit, të jetë bërë njohja e tyre nga ministria përgjegjëse për arsimin;
Të zotërojë liçensën e ushtrimit të profesionit të teknikut dentar në Republikën e Shqipërisë ose të një vendi tjetër nga rajoni, Bashkimi Europian, USA, Kanada e të ngjashme;
Të ketë kryer një program studimi në shqip ose të zotërojë dëshmi të gjuhës shqipe;
Të zotërojë aftësitë e nevojshme profesionale për aplikimin e teknikave dentare analoge (tradicionale) dhe digjitale në prodhimin e protezave dentare;
Të mos jenë dënuar me vendim të formës së prerë të gjykatës për kryerjen e një vepre penale me
Të mos jetë marrë ndaj tyre masë disiplinore e largimit nga puna nga Akademia
Fotokopje të ID ose pasaportës.

Kriteret e veçanta që duhet të plotësojnë kandidatët për personel ndihmës akademik në FTD për vitin akademik 2022-2023 janë:

Preferohet të ketë notë mesatare të studimeve universitare të lartë;
Preferohet të ketë kryer studime universitare Bachelor në teknikë dentare apo programe të ngjashme studimi;
Preferohet të ketë kryer program studimi Master në teknika dentare për programe të ngjashme;
Preferohet të ketë eksperiencë të gjatë pune në një IAL apo laborator dentar;
Preferohet të zotërojë gjuhë të huaja europiane.

Shënim: Kandidatët të cilët kanë qenë të angazhuar pranë FTD në vitin akademik 2021- 2022 si staf akademik ose ndihmës akademik, duhet të paraqesin vetëm:

Formularin e kërkesës
Vërtetim punësimi tё muajit tё fundit
Dёshmi penaliteti

Materialet mund të dorëzohen fizikisht pranë Sekretarisë Mësimore të Akademisë Ivodent ose nëpërmjet adresës së email: sekretaria@ivodent.edu.al deri me datë 30.05.2022

Shkarko formularin e kërkesës